Customers United app for iPhone and iPad

("يعنى ايه ابعت اجيب نص مشكل فلاقى فار مشوي وسط الكباب و الكفته .....فيكون الرد (حضرتك دى فران تجارب مش فران مجارى "هناك فرق

يعنى ايه اروح مطعم بيتزا فلاقى السوبر سوبريم عباره عن تشكيله من انواع اللحوم الى جانب تشكيله من انواع الصراصير......فيكون الرد (حضرتك ما هو كله فيتامين)

(يعنى ايه اشترى ثلاجه ضمانها عشر سنين فتبوظ بعد شهرين.....فيكون الرد (حضرتك اللى بوظتها

يعنى ايه اروح لدكتور استشارى و متخصص فيشخص حالتى على ان عندى مشاكل فى القلب و لازم تدخل جراحى فى اسرع وقت و الا هيبقى فى خطر على حياتى و يطلع فى الأخر عندى ارتجاع فى المرئ - حموضه يعنى

يعنى ايه اشترى منتج و ألاقى فيه عيوب صناعه ؛ فمحدش يسأل فيا مع انى لسه فى فتره الضمان..لمجرد انى شاري بالقسط

ليه "الاكل و الشرب" من بره البيت بقى من اهم عاداته و تقاليده انك تختمها بقرص او قرصين انتينال
ليه "السلع المعمره" مبقتش معمره

ليه اختفت كلمات زى:
الجوده ----- الذمه ----- الأمانه ----- رضا العميل
و حل محلها كلمات زى:
التجاره شطاره ----- حضرتك اللى بوظته ----- حضرتك مفيش ترجيع ----- حضرتك بره الضمان
ليه البياع استفحل و المشترى استسلم

اللى حصل اننا استسلمنا لبعض الاعتقادات و المسلمات الغريبه الخاصه بعمليات البيع و الشراء....حصلت دربكه و لخبطه فى العلاقه بين البياع و المشترى......تضارب فى حقوق و واجبات كل طرف.

ان الاوان اننا نعدل الكفه ..... القوه معانا .....و الحق معانا..... البياع لا يملك اى سلاح ردع قدام رغبتك
ايها المشترى .....ايها العميل ..... ايها المستهلك.....ايهم تكون و اينما كنت:
  انت اللى تملك اليد العليا مش هو.

“Customers Unite”….التطبيق الاول من نوعه للبلاغ عن اى حالات غش تجارى او احتيال او فساد او جشع.....التطبيق بيمثل محاوله فعاله جدا ...لانه بيهاجم فى الصميم ....لأن كلمه السر عنده هي: السمعه
اهم ما يملك اى بياع او شركه او مستشفى او اى كيان بيقدم خدمات....هو سمعته

كل ما عليك هو انك تسجل الحاله او الموقف اللى اتعرضت له .... و تدعم تقريرك بصور ان امكن

فريق “CU” هيتحقق من مدى جديه التقارير و بعدها هيقوم التطبيق بتخزين التقارير فى قاعده بيانات و بناء عليها هيتعامل بتفاعليه بحيث:
هيتم ارسال تحذير لكل مستخدمى التطبيق فى حاله الاقتراب من اى كيان له سابقه او تاريخ بلاغات و ده عن طريق ال GPS

البلاغات قد تكون ضد : متاجر - محلات - مطاعم - مولات – مستشفيات - مدارس - كومبوند - شركات خدميه 

تعالوا نعيد احياء الاسطوره القديمه :
"الزبون دايما على حق"


ملاحظات هامه:
- فريق “CU” مش مسئول عن اثبات مصداقيه البلاغات المقدمه و لا مدى صحتها
- الهدف من “CU” مش تدمير سمعه كيانات خدميه او اشخاص فالهدف من الانشاء لم يكن اعتباره اداه تهديد لاى شخص او كيان و انما الهدف هو الارتقاء بجوده المنتجات و الخدمات المقدمه للناس
-“CU” غير معني باى بلاغات مقدمه ضد هيئه او مؤسسه او اى كيان تابع للقطاع العام

Disclaimer:
Continued use of GPS running in the background can dramatically decrease battery life.